திடீர் திருமணத்தால் திரையுலகம் அதிர்ச்சி – வசியின் பின்னணி என்ன?

விஜய் டிவி மூலம் பெரும் பிரபலம் பெற்ற பிரியங்கா, கடந்த மூன்று நாட்களுக்கு முன்பு திடீரென திருமண முடிச்சை கட்டியுள்ளார். திருமண புகைப்படங்களை சமூக வலைதளங்களில் பகிர்ந்தவுடன், “அவருடைய கணவர் யார்?” என்ற கேள்வி ரசிகர்களிடையே பெரும் பரபரப்பை ஏற்படுத்தியது.

முந்தைய திருமணத்தை பற்றிய தகவல்களை வெளிப்படுத்தாமல் வைத்திருந்த பிரியங்கா, இந்த இரண்டாவது திருமணத்தால் மீண்டும் ஹெட்லைன்களாக மாறியுள்ளார். கடந்த திருமணத்தை விவாகரத்துடன் முடித்த பிரியங்கா, இப்போது "வசி" என்கிற இளைஞரை வாழ்க்கை துணையாக்கியுள்ளார்.

வசி யார்?

புதிய தகவலின்படி, வசி இலங்கையில் பரிசுத்தமான அரசியல் குடும்பத்தைச் சேர்ந்தவர். அவரது குடும்பம் திருகோணமலையைச் சேர்ந்தது. மேலும், வசி, இலங்கை தமிழரசு கட்சியின் முன்னாள் தலைவர் மற்றும் பாராளுமன்ற எதிர்க்கட்சி தலைவராக இருந்த மறைந்த இரா. சம்பந்தனின் தங்கையின் மகனாக இருக்கிறார் என இந்திய ஊடகம் ஒன்று தெரிவித்துள்ளது.

தற்போது வசி, இலங்கையில் ஒரு ஈவென்ட் மேனேஜ்மென்ட் கம்பெனியை இயக்கி வருகிறார். சின்னத்திரை பிரபலங்கள் கலந்து கொள்கின்ற நிகழ்ச்சிகளின் வாயிலாக பிரியங்கா–வசி நட்பு மலர்ந்ததாக கூறப்படுகிறது.

வாழ்த்துகள் மற்றும் விமர்சனங்கள்

சிகப்பு ஷாலில் அழகாக காணப்பட்ட பிரியங்காவின் திருமண புகைப்படங்கள் சமூக வலைதளங்களில் வைரலாகி வருகிறது. சிலர் விமர்சனங்களைத் தெரிவித்தாலும், பெரும்பாலான ரசிகர்கள் “இனிமேல் அவர் மகிழ்ச்சியுடன் வாழ வேண்டும்” என ஆதரவுடன் வாழ்த்தி வருகின்றனர்.